Mae Llywodraeth Cymru wedi lansio'r Grant Annomestig Cyfyngiadau Symud i helpu busnesau i oroesi canlyniadau economaidd y cyfnod atal byr cenedlaethol yng Nghymru o ganlyniad i’r Coronafeirws (COVID-19)

Diben y grant yw cefnogi busnesau gyda chymorth llif arian ar unwaith i’w helpu i oroesi canlyniadau economaidd y cyfnod atal cenedlaethol yng Nghymru. Mae hyn yn cynnwys cymorth gyda chostau cadw staff lle bo hynny'n briodol. Mae’r grant yn ceisio ategu mesurau COVID-19 eraill i gefnogi busnesau, mentrau cymdeithasol a sefydliadau elusennol yng Nghymru.

Grant 1

Mae grant o £5,000 ar gael i fusnesau manwerthu, hamdden a lletygarwch sydd wedi cael eu gorfodi i gau (fel y'u diffinnir gan y rheoliadau) a bodloni'r meini prawf cymhwysedd grant a nodir yn y ddogfen ganllawiau a chofrestru. Mae angen i chi ffod yn meddiannu eiddo sydd â gwerth trethadwy o rhwng £12,001 a £51,000 hefyd.

Grant 2

Mae grant o £1,000 ar gael i fusnesau sy’n gymwys i gael rhyddhad ardrethi busnesau bach (SBRR) yng Nghymru sydd â gwerth trethadwy o £12,000 neu lai (gweler y dogfennau canllaw am eithriadau).

Yn dibynnu ar fodloni'r meini prawf cymhwysedd, gall ymgeiswyr Grant 2 wneud cais am y grantiau atodol canlynol hefyd.

• Bydd busnesau sy'n gymwys i gael rhyddhad ardrethi busnesau bach sydd wedi bod yn destun cyfyngiadau lleol am dair wythnos neu fwy ac sydd wedi'u heffeithio'n sylweddol (gostyngiad o >50% mewn trosiant) hyd at 23 Hydref yn gymwys i gael grant pellach o £1,000
• a bydd busnesau sy'n gymwys i gael rhyddhad ardrethi busnesau bach sydd wedi'u gorfodi i gau (fel y'u diffinnir gan y rheoliadau) o ganlyniad i'r cyfnod atal byr cenedlaethol yn gymwys i gael grant atodol pellach o £2,000 gan eu hawdurdod lleol hefyd.

Dim ond os ydych yn atebol am dalu ardrethi busnes i'ch awdurdod lleol y dylech lenwi'r ffurflen gais hon.

Bydd y grant yn agored i geisiadau ar 28 Hydref a bydd yn cau am 5pm ar 20 Tachwedd neu pan fydd y gronfa wedi'i hymrwymo'n llawn.

ADRAN 1 – Gwybodaeth am eich busnes